بالامس تكلمت عن غذاء ساحر فيه شفاء للناس. غذاء يخرج من حشره عظيمه غذاء غني بالفيتامينات والمعادن والاحماض الامينيه التي تكون البروتينات التي تبني الجسم.
تكلمنا عن فوايد عسل النحل وعرفنا ازاي ان العسل ده مفيد جدااااااااااا للجسم عامه فالمولي عزوجل قال فيه شفاء للناس .
بس في مشكله ان العسل ده غالي جدااا في البلاد العربيه ومحتاج ميزانيه خاصه به .
النهارده هقولكم عن بدايل رخيصه وفي مقدرونا احنا المواطنون معدومي الدخل .
اولا انا تكلمت عن فطر الخميره .
والخميره دي غذاء ساحر. حضرتك لو اضفت معلقه خميره في كوب ماء دافي ونص معلقه سكر وتركته ٢٠ دقيقه وشربته اكأنك اخدت مجموعه فيتامينات B كلها والفيتامينات دي مفيده جداااا . زائد طبعا المعادن المهمه للجسم .
وقلت كمان لو عايزه الخميره للتخسيس تاخدها قبل الاكل بنص ساعه او ساعه اما لو عايزها لزياده وزنك تكون بعد الاكل بساعه. وتكون في حليب او عصير .
ده البديل الاول .
البديل التاني. كمان رخيص.
كنت قلت ليكم. في منشور عسل النحل. ان حضرتك تشرب كوب ماء دافي ومعلقه عسل نحل بحبه البركه وعليه ليمونه.
عندنا في مصر الكيلو العسل ب ٦٠ جنيه تقريبا. اي بما يوازي ٣ دولارات امريكاني .
في الدول العربيه غالي .
علشان كده هاقول لهم استبدلو عسل النحل ده ب. العسل الاسود. وده طبعا في مصر رخيص واكيد. برضه رخيص في الدول العربيه الاخري
برضه هنشربه علي غيار ريق معلقه كبيره من العسل الاسود + ٣ فصوص ثوم مهروسين في كوب ماء دافيء ونعصر ليمونه عليهم .
واللي مش عايز الثوم مع الخلطه دي
اقوله ابلع فصوص الثوم علشان تستفيد من فوايد الثوم علي غيار ريق.
العسل الاسود ده ايضا غذاء ساحر ومفيد
ليه بقول كده
اولا غني بفتامين B6 وفيتامينات B
دي بتعتبر فيتامينات مضاده للاكسده
يعني مفيده ل جسمك كله وطبعا عرفنا المواد المضاده للاكسده بتعمل ايه في الجسم .
ومش كده وبس الا انها تحتوي علي معادن مهمه جدااا للجسم .
فنجد العسل الاسود علاج فعال ضد الانيميا لانه غني بعنصر الحديد .
وكمان بيحتوي علي عنصر الكالسيوم المهم للعظام .
وكمان الفوسفور. غذاء المخ .
وكمان البوتاسيوم المفيد لمرضي الضغط العالي .
وكمان العنصر الساحر المنجنيز وده بقي مسئول عن انتاج الهرمونات الجنسيه
يعني هتتمتع بحياه جنسيه سليمه عندما تتناول العسل الاسود .
ويحتوي علي عنصر الكروم المهم لهرمون الانسولين. يعني هيحافظ علي نسبه السكر في الدم.
مفيد للي بيعانو من الامساك .
وكمان بيحتوي علي السلينوم وده مهم للي بيعانو من الضعف الجنسي.
وكمان بيحتوي علي ماده اسمها البوليفنيول والماده دي بقي مهمه للي بيعانو من السمنه .
يعني العسل الاسود مع الثوم مع الليمون في كوب ماء دافيء علي غيار ريق
هيمنحك التخلص من الدهون وهيمنحك طاقه وهيمنحك حياه جنسيه سليمه
وهيمنحك عظام سليمه ويغذي مخك ومهم للجهاز الهضمي والعصبي وللقلب ويحميك من السرطان .
هو الواحد عايز ايه اكتر من كده .
يبقي نقاطع مؤقتا عسل النحل ونستخدم العسل الاسود.
خالد المصري