404
نعتذر , لا نستطيع ايجاد الصفحة المطلوبة
  • العودة الى الصفحة الرئيسية
  • الأحد، 16 أبريل 2017

    المياصه علم بيتدرس قصدي بيدرس تعالى اعلمهالك

    المياصه علم بيتدرس قصدي بيدرس تعالى اعلمهالك





    المياصه💁💁💁.. علم..بيتدرس قصدي بيدرس ... او.. بتدرس. قصدي مدروسه. قصدي. يووووه 😂😂





    سيبكو من اللغه العربيه اللي مش عارفه اوصلهالكو دي.. وتعالو اقولكو.. هاتي ودنك منك ليها 👂👂





    مفيش راجل علي وجه الارض. شمالي  جنوبي عراقي افغاني من بوركينو فاسو حتي مابيحبش المياصه.😂😂😂😂





    ياللا. هاجي علي نفسي واديكم من خبرتشي... 🤗🤗. 


    صحصحيلي كده انتي وهي.... 👱





    بصي يا بطه.. اولا كده... هاتستغني عن حاجات كتير. معلش يعني تعالي علي نفسك وسيبيهم ابوس ايدك يا شيخه.. 





    هانستغني عن ايه بقي... 





    عن عبد الجبار اللي حاشراه فزورك. 





    عن جلباب عبد الغفور البرعي اللي بتلبسيه وانتي بتطبخي ولا بتنضفي 





    عن علي حميده اللي فشعرك.. 





    عن فيلم الارض اللي فايديكي.. 





    ابوس ايديكي انتي انثثثثي.. مظهرك اهم حاااجه فيكي... وهاعملكم بوست عن الانوثه كمان 😉😉😉





    خلاص جيتي علي نفسك وسيبتي الحاجات دي.. تعالي بقي اقولك مبادئ المياصه... 😘 😘 





    المياصه 





    يعني الدلع بزياااده.. 





    يعني الانوثه الي بتنقط منك مع كل كلمه وحركه ولمسه. 





    يعني الحركه السايبه فكل حاجه 





    يعني الرقه





    يعني الشخلعه.. 





    تعالي اقولك حبه مواكف كده.. اه مواكف...مش مواقف  😉وانتي مالك انتي 🙃





    #اولا.. حروف التفخيم  كلها اللي فالكلام تتشال   'يعني ق ظ ط ص ض  وهكذا. كل ده يتركك.. يبقي الحرف الركيك منه.. زي ك ز ت س 😉😉





    #ثانيا.... اغلب الكلام حاولي تختاري معناه الرقيق... مثلا... 





    ياابو العيال.. تبقي بيبي 





    حمام.. تبقي ببي.. 





    اكل.. تبقي مم... 





    بقولك ايه سيبلي فلوس.. تبقي. بليز يا بيبي محتاجه حبة ماني صغننين... 





    وهكذذذا.... 





    #ثالثا... دايما كلامك يبقي يلزمه التأوه.. 😂😂😂


    يعني اي كلمه ولامؤاخذه فيها ي او ه او ا.. تبقي بتأوه... 


    يعني تطلعي من بقكك اهه بدلع تتبع الكلمه 😂😂😂 دي محتاجه لايف عشان توصل 😂😂😂





    #رابعا.... كلامك دايما يبقي معاه تمايل.💁💁.. يعني عاوزه تقولي حاجه لبيبيك.لو عالسرير ميلي جنبه كده واتكلمي ورقبتك مايله زي الاطفال. مع التأوه مع الكلام الرقيق 😘😘. وطبببعا مع اللمسات الرقيقه علي بشرته.. 😉😉


    ولو بتكلميه واقفه.. اقفي معووجه كده واطلبي برضه.. 


    💁💁💁





    #خامسا.. اي وقت انتي فيه فالمطبخ🍜🍜.. ماتقفيش عدل ابدا...مش عم عبده الطباخ انتي... اقفي مايله... يعني رجل ونص كده وميلي جنب.. خليكي كماريره فلبينيه 😂😂





    #سادسا... انتي دايما مابتعرفيش تفتحي اي حاجه. ولا ازازه ولا برطمان ولو قدرتي ولا حنفيه حتي... 😂😂😂 قولي اه.. مش  قادره.. تعالي يا بيبي افتحلي دي😉😉.. هاييجي جري سبع الرجال يفرد عضلاته ويفتحها 😉😉





    #سابعا... انتي دايما بتاكلي برقه.. واوووف الاكل سخن يح خالص... انفخلي في بليز. ولو منفخش. انفخي انتي عشان لسانك بيتلسع من رقته 😂😂😂





    #ثامنا..... انتي دايما بتمشي تترقصي تتقصعي 💃💃.. هزه يمين. هزه شمال.. بس لو في ورا الموضوع جامد. حاولي ماتهزيهومش اوي 





    #تاسعا.. لو هاتوطي تاخدي حاجه من الارض..... ااااه.. واتدلعي واتمايلي وهاتيها.. ماتنطيش عالارض زي حسب الله وتاخديها.. 😘 





    #عاشرا بقي وده الاهههم.. صوتك.. ابوس ايدك صوتك... خليه خفيف.. يسمعه بالعافيه.. فاكرين فلم بلبل حيران لما كانت بتقوله تب واللون.. ومكانش سامعها.. اهه ده المطلوب اثباته.. 👱👱





    #حداشر. .. ابوس ايدك بلاش عبد الجبار قدامه.. ابقي خلصي عالعيال وهو مش موجود يا ستي. طول ماهو موجود... قولي للعيال. بس يا حبيب مامي.. انت كده نوتي.. عارفه ياقلب امك هايبقي صعب عليكي وهاتبقي بتغلي وجايز الواد يطلعلك لسانه. بس استحملي يا قلبي كلنا لها 😢😢





    #اتناشر... حاولي تطلبي منه طلبات طفوليه.. يعني عاوزه وانت جاي سوسيت.🍭🍭. او تشوكليت🍫🍫. بليز بقي واعملي بتعيطي.. عيل رخم يعني 🐹🐹





    #تلاتاشر.. شوفي اسم جوزك ايه. واندهيله بدلللع.. خلي ليكي نديهك الخاص. يعني لو عبد الصمد. يبقي عابدووووه. ولازم الاه فأخر حرف.... لو محمد محمود احمد. يبقي موديييييه.. وبرضه الاه.. وهكككككذا.. 😉😉





    #اربعتاشر..*. لو بيبيك جاب حاجه معاه  حتي لو لب..🍿🍿 افرحي زي الاطفال واتنططي واحضنيه بدلع كده... وافرحي والنبي... اعتبريه جايب اللبايه الذهبيه 😂





    #خمناشر... لما تتخضي.. اسم الله عليكي. .. ماتقوليش يالاهووووتي😳😳.ياخراشي... يا دهوتي.. نو. لا قولي او ماي جاد... ودايما لو انتي فالاوضه وهو دخل عليكي.حتي لو شايفاه. اتخضي... ااه او ماي جاد.. خدتني يااسمك ايه.. اخس عليك.. 😂😂





    #ستاشر.. بقي وده اخر طلب منك... لما بيبك يقرب منك..


     ماتوافقيش علي طول. اتمنعي بدلع.اوعي توافقي علي طول وتريلي 😡قوليله.. . اوعي بقي الله.. اوعي.. وتأوهي بدلع كده وصوت مايص بيضيع ياوديع.. 





    ياللا كل واحده اتعلمت من الكورس. تقولي كلمه فيها مياصه عشان اتأكد ان الكورس نجح معاكي 😘





    مياصه موفقه ان شاء ا




    -

    -

    طعم البيوت مدونة متخصصة لحواء من حيث الطبخ والموضة والاناقة والجمال والمكياج واطلالات المشاهير والاكسسوارت الحريمي والاثاث والديكور وصحة الاطفال وصحة المرأة العربية

    الكاتب : طعم البيوت

    ليست هناك تعليقات:

    إرسال تعليق

    جميع الحقوق محفوظة ل طعم البيوت -