404
نعتذر , لا نستطيع ايجاد الصفحة المطلوبة
  • العودة الى الصفحة الرئيسية
  • الأحد، 2 أبريل 2017

    فكرة للتوفير وضبط ميزانية شراء الفراخ بالمنزل

    فكرة للتوفير وضبط ميزانية شراء الفراخ بالمنزل


    إحضار 3 فرخات بيضاء بمبلغ 126ج 
    تقطيعهم كالاتى التقطيع بشكل مجمل متفرع منه شكل منفصل
    6 وراك صحيحه _ قسمتهم ل 6 دبابايس و6 قطع باقى ورك 
    6 أجنحة
    3 رقبات
    3 كبد و3 قوانص و3 قلوب - قسمت كل كبده وكل قوناصه نصين طلعوا 6 قطع كبده و6 انصاص قوناصه
    3 صدور كاملين - قسمت كل صدر نصفين يعنى 6 صدور
    الحصيله بقى بتاعت التقطيع
    1- كيس بيه 6 دبابايس كنتاكى 
    2- كيس بيه 6 أجنحة 
    دول هعملهم فراخ كنتاكى الدبابيس والاجنحه وجمبهم بطاطس محمره وكاتشب ومايونيز & اكله يوم&



    3- كيس بيه نص كليو بانيه 8 شرائح كبار هعمل جمبه مكرونه اسباجتى وسلطه (علشان اطلع نص كليو بانيه خدت صدر كامل اللى هم صدرين منفصلين وقطعت كل صدر 4 شرائح يعنى الصدرين 8 شرايح) & اكله يوم&
    4 - كيس بيه كليو الا ربع شاورما فراخ هعمل جمبه رز بسمتى وسلطه زبادى ( خدت صدر كامل اللى هم صدرين منفصلين قطعتهم 8 شرايح بانيه وكل شريحه من 8 قطعتها بالطول شرايح رفيعه تقطعيه الشاورما) &اكله يوم&
    5 - كيس بيه باقى 6 قطع الوراك المتبقين بعد فصل الدبابيس و3 رقبات دول هعملهم فراخ مشويه وهعمل جمبهم بطاطس وسلطه ممكن كمان اقطع القطعه دى لقطعتين علشان يدوية شكل الفراخ الشيش المشويه &اكله يوم &
    6 - كيس بيه تلت كليوه شيش طاووق ( خدت صدرين منفصلين وقطعتهم مكعبات علشان هسيخوه باعيدان خشب للشيش) 
    7- كيس بيه ربع كبد وقوانص وقلوب
    رقم 6 و7 يعنى الشيش والكبد هعملهم وجمبهم مكرونه وسلطه & اكله يوم &
    كده انا وفرت لو كنت جبت كل حاجه لوحدها 
    انا جايبه 3 فراخات على بعض ب126 
    لو كنت جايبه كل حاجه لوحدها من اللى طلعتها 
    ربع كليو كبد وقوانص ب 7ج
    نص كليو بانيه ب 25ج
    كليو إلا ربع بانيه قطعتوه) 37ونص كليو إلا ربع بانيه
    شرايح رفيعه للشاورما
    صدر كامل طلع تلت كليو مكعبات شيش طارق الصدر الكامل لو اشتريت من الفررجى ب20 ج منفصل لوحده
    6 اوراك لو كنت اشتريت 6 اوراك من الفررجى منفصلين الورك نقول واقف ب15 ج يبقى 6 بى 90ج
    كده المجموع لو بشكل منفصل (7+25+37.5+90+20)= 180 ج 
    كده انا وفرت الفرق بين 54 ج (180-126 )
    54 ج دول الفرق 
    أجيب بيهم 2 كليو بطاطس 
    كيسين مكرونه 
    نص كليو رز بسمتى 
    2 بيضه علشان تتبيله البانيه
    2 عليه زبادى من الماركت 
    ربع كليو فلفل ألوان 
    3 ج بقسماطء لتبدبر الثانيه
    كليو ونص طماطم للتسبيكه المكرونه اغليهن واضربهم واصفيهم واشيلهم كيسين 
    نص كليو خيار وحزمه بقدونس السلطه 
    طبعا التوم والبصل والتوابل والدقيق والزيت متوفرين بالبيت)
    كده 180 ج عملت بيهم أكل 5 أيام 
    180 ÷5=(36 ج )
    يبقى وجيه الغدا ب36ج
    و3 فراخات هيكفوه 5 ايام لاسره مكونه من 4 أو 5 أفراد 
    يوم دبابايس واجنحه كنتاكى
    يوم شاورما فراخ 
    يوم شيش طارق وكده وقوانص فراخ
    يوم بانيه 
    يوم قطع متبقية من الوراك والرقبات مشوين
    طبعا الوجبات دى جمبهم بطاطس أو مكرونه أو رز بسمتى

    -

    -

    طعم البيوت مدونة متخصصة لحواء من حيث الطبخ والموضة والاناقة والجمال والمكياج واطلالات المشاهير والاكسسوارت الحريمي والاثاث والديكور وصحة الاطفال وصحة المرأة العربية

    الكاتب : طعم البيوت

    ليست هناك تعليقات:

    إرسال تعليق

    جميع الحقوق محفوظة ل طعم البيوت -